Նոյեմբերի 8-ի ժամը 21:30-ի դրությամբ Գեղարքունիքի մարզի ողջ տարածքում ձյուն է տեղացել։ Այս մասին տեղեկացնում են Գեղարքունիքի մարզպետի աշխատակազմից։
«Սպասարկող կազմակերպությունները մարզի ավտոճանապարհներին իրականացնում են ձնամաքրման և աղ-ավազով մշակման աշխատանքներ։
Նոյեմբերի 9-ի վաղ առավոտից սպասարկող կազմակերպությունները մարզի ավտոճանապարհներին շարունակում են մշակման աշխատանքները»,- ասվում է հաղորդագրությունում։
