Երևանի կողմից «Հայաստանի էլեկտրական ցանցերի» ազգայնացման համար ներկայացված հիմնավորումները խիստ կասկածելի են։ Այս մասին հայտարարել է ՌԴ փոխարտգործնախարար Միխայիլ Գալուզինը՝ փոխանցում է ՏԱՍՍ-ը։
Գալուզինի խոսքով՝ ավելի ու ավելի շատ փորձագետներ համակարծիք են, որ Հայաստանում ի հայտ են գալիս քաղաքական դրդապատճառներով պայմանավորված «ակտիվների վերաբաշխման» նշաններ։
ՌԴ փոխարտգործնախարարը նաև հայտարարել է, որ Հայաստանում ռուսական տնտեսավարող սուբյեկտների շահերի ցանկացած ոտնձգություն Ռուսաստանի կողմից անարձագանք չի մնա։
