Կրակովի շուկայի հրապարակում կրակ բացած անձը մահացել է հիվանդանոցում, հայտնել է Փոքր Լեհաստանի վոյեվոդության ոստիկանությունը։
«Ողբերգական իրադարձությունների հեղինակը մահացել է հիվանդանոցում այսօր առավոտյան», – ասվում է X սոցիալական ցանցերում արված գրառման մեջ։
Անցյալ շաբաթ օրը 24-ամյա լեհ տղամարդը մեքենայից կրակ է բացել քաղաքի հին թաղամասում անցորդների վրա։ Հարձակման հետևանքով զոհվել է վեց մարդ։
Եվս 16 մարդ վիրավորվել է, այդ թվում՝ մեկ ռուս կին։ Աղբյուրը «ՌԻԱ Նովոստի»-ին հայտնել է, որ նրա կյանքին վտանգ չի սպառնում։
Հարձակվողը վիրավորվել է ձերբակալության ժամանակ և տեղափոխվել հիվանդանոց: Նրա տանը հայտնաբերվել են նրա քրոջ և ծնողների մարմինները. նախնական տեղեկությունների համաձայն՝ հարձակվողն ինքն է սպանել նրանց:
Ներքին գործերի նախարարության տվյալներով՝ նա հետաքրքրված է եղել ծայրահեղ աջ գաղափարախոսություններով:
