ԱՄՆ նախագահ Դոնալդ Թրամփը հայտարարել է, որ Ուկրաինայի հարցով նախապատրաստվում է «մեծ և հրաշալի համաձայնագիր», որը կարող է վերաբերել ոչ միայն Ուկրաինային, այլև ամբողջ Եվրոպային։ Այս մասին նա հայտնել է Սպիտակ տանը կայացած մամուլի ասուլիսի ժամանակ՝ նշելով, որ համաձայնագրից «բոլորը հիացած կլինեն»։
Թրամփը նաև հաստատել է, որ Վաշինգտոնում հանդիպել է Ռուսաստանի նախագահ Վլադիմիր Պուտինի հատուկ ներկայացուցիչ Կիրիլ Դմիտրիևի հետ։ Սակայն ԱՄՆ նախագահը չի բացահայտել հանդիպման մանրամասները՝ ընդգծելով, որ ուկրաինական պատվիրակության հետ հանդիպում չի ունեցել։
Ավելի վաղ ԱՄՆ առաջին տիկին Մելանյա Թրամփն ընդունել էր Ռուսաստանի և Ուկրաինայի պատվիրակություններին Վաշինգտոնում՝ Դմիտրիևի միջոցով Վլադիմիր Պուտինին փոխանցելով անձնական նամակ։
Միևնույն ժամանակ, Թրամփի փեսան՝ Ջարեդ Քուշները, հայտնել է Բրյուսելում Ուկրաինայի, ՆԱՏՕ-ի և եվրոպացի դաշնակիցների հետ արդյունավետ բանակցությունների մասին։ Քննարկվել են Կիևի անվտանգության երաշխիքները և եվրոպական անվտանգության ավելի լայն համակարգը։
Ըստ հրապարակման՝ Ռուսաստանի, ԱՄՆ-ի և Ուկրաինայի միջև բանակցությունների հաջորդ փուլը նախատեսված է նոյեմբերի 10-11-ին՝ Աբու Դաբիում։
