Օլիմպիական խաղերի ոսկե, կրկնակի արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Արթուր Ալեքսանյանն ամուսնացել է։
Զույգի հարսանեկան արարողությունը տեղի է ունեցել նոյեմբերի 8-ին՝ Կիպրոսի Լիմասոլ քաղաքում։ Ալեքսանյանը և նրա ընտրյալը՝ Անին, որը նույնպես Գյումրիից է, պսակադրվել են Լիմասոլի Սուրբ Գևորգ եկեղեցում։ Համացանցում հայտնվել է լուսանկար նորապսակների պսակադրության արարողությունից։
Հիշեցնենք, որ Արթուր Ալեքսանյանը վերջերս ողնաշարի վիրահատության էր ենթարկվել, ինչի պատճառով ստիպված էր բաց թողնել Աստանայում կայացած ըմբշամարտի աշխարհի առաջնությունը։
