ԱՄՆ փոխնախագահ Ջեյ Դի Վենսը փորձում է օգտագործել Հանրապետական կուսակցության ընտրական պարտությունը՝ 2028 թվականի նախագահական ընտրություններից առաջ սեփական դիրքերն ամրապնդելու համար։ Նա ձգտում է իր կողմը գրավել Դոնալդ Թրամփի այն աջակիցներին, որոնք դժգոհ են նախագահի արտաքին քաղաքականությունից և Իսրայելին ցուցաբերած աջակցությունից։
Այս մասին հայտնում է Fox News-ը։
Վենսը հրապարակայնորեն հանրապետականների ընտրական պարտությունը կապել է Մերձավոր Արևելքում ընթացող պատերազմի հետ։
Փոխնախագահի խոսքով՝ ընտրողների աջակցությունը վերադարձնելու համար անհրաժեշտ է իրականացնել չորս քայլ՝ ավարտել Իրանի դեմ պատերազմը, պայքարել գնաճի և կյանքի թանկացման դեմ, վերադառնալ «Ամերիկան՝ առաջին հերթին» քաղաքականությանը և վերանայել Իսրայելի հետ հարաբերությունները։
Նշվում է, որ Վենսը նման դիրքորոշմամբ փորձում է ամրապնդել իր քաղաքական դիրքերը՝ Հանրապետական կուսակցության կողմից 2028 թվականի նախագահական ընտրություններում առաջադրվելու հնարավոր պայքարից առաջ։
Նրա հնարավոր մրցակիցների թվում նշվում է նաև ԱՄՆ պետքարտուղար Մարկո Ռուբիոն։
